గౌరవనీయులైన పేషెంట్ లకు, వారి కుటుంబ సభ్యులకు, మా సంస్థ సేవలపై నమ్మకంతో మాకు సపోర్ట్ చేసే దాతలందరికీ మా హృదయపూర్వక నమస్కారములు.
కరోనా వైరస్ మహమ్మారి వలన ప్రభుత్వం ప్రస్తుతం లాక్ డౌన్ అమలు చేస్తున్న విషయం మీ అందరికీ తెలుసు. ఇలాంటి పరిస్థితిలో మన ఆరోగ్యం కొరకు ప్రభుత్వం ఇచ్చిన ఆదేశాలను తు.చ. తప్పకుండా పాటించవలసిన అవసరం ఎంతైనా వుంది.
మరో వైపు మనకు కొత్తగా వచ్చే ఆరోగ్య సమస్యలు గాని, ఇప్పటికే వున్న ఆరోగ్య సమస్యలు కానీ ఆగవు. అందులో మానసిక సమస్యల వలన కలిగే ఇబ్బందులు, అలాంటి ఇబ్బందులతో బాధ పడే వాళ్లకు, వారి కుటుంబాలకు అర్థం అవుతాయి.
అందుకే పూర్తిగా హాస్పిటల్ ను మూసి వేయకుండా వీలైనంత వరకు మా సేవలను నూతనంగా ప్రారంభించిన ‘టెలి హెల్త్ కేర్’ ద్వారా అందించడానికి ప్రయత్నం చేస్తున్నాము. స్టాఫ్ కూడా ఇబ్బందులు లేకుండా రోడ్లపై ప్రయాణం చేయలేని పరిస్థితి ఉన్నది. అలాంటి పరిస్థితిలో కూడా, భౌతిక దూరంతో పాటు ఇతర జాగ్రత్తలు కూడా తీసుకుంటూ మా సహాయం కోరిన పేషెంట్ లకు మందులను అందజేసే ప్రయత్నం చేస్తున్నారు.
దయచేసి మా ప్రయత్నాలతో సహకరించవలెనని మనవి చేసుకుంటున్నాము.
